आऊ समाऊँ क्रान्तिका लागि

रचना÷सङ्गीत÷स्वर ः चिरन पुन 
एरेन्ज ः आशिष अविरल 
एल्बम ः चमचम गर्ने खुकुरी 

आऊ समाऊँ क्रान्तिका लागि हामीले हातहरू 
आऊ मिलाऊँ क्रान्तिका लागि हामीले काँधहरू २ 
हामीले हातहरू 

पिल्सिएका मानवजातिको मुक्तिका लागि सबै आऊ
हेपिएका श्रमिकहरूको स्वतन्त्रताका लागि आऊ २  
नसा नसामा देशभक्तिको रगत उमाल्नेहरू
शिरा शिरा राष्ट्रभक्तिको प्रेम उराल्नेहरू
आऊ जुटाऊँ क्रान्तिकालागि हामीले साथहरू 
हामीले हातहरु 

बाँधिएका रक्तपिपासुको बन्धन चुँडाल्न तिमी आऊ
मुर्झिएका विश्वक्रान्तिको ज्वारभाटा उराल्नलाई आऊ २ 
थोपा थोपामा जनक्रान्तिको बीज उमार्नेहरू 
मुटु मुटुमा क्रान्तिज्वाला निभ्न नदिनेहरू 
आऊ रमाउ क्रान्तिका लागि हामीले मनहरू 
हामीले हातहरु 
आउ समाउ क्रान्तिका लागि हामीले हातहरू
आऊ मिलाऊँ क्रान्तिका लागि हामीले काँधहरू 
हामीले हातहरू । 
माघ, २०७४

नरुनू आमा नरुनु बाबा

रचना÷संङ्गीत ः चिरन पुन 
स्वर ः सुनिता थिङ 
एरेन्ज ः आशिष अविरल 
एल्बम ः चमचम गर्ने खुकुरी 

नरुनू आमा, नरुनू बाबा २ 

लड्न जाँदैछु, म त लड्न जाँदैछु  
जित्न जाँदैछु, म त जित्न जाँदैछु 
हजार मत्ृयु जिउनुभन्दा लड्न जाँदैछु  
हजार चोट सहनुभन्दा जित्न जाँदैछु  
नरुनू आमा, नरुनू बाबा  
 
कानुन छ भन्छन् – दिनै चेली बलात्कार, (खै रोक्न आज सकेको) २
सरकार छ भन्छन् – लाखौँ युवा बिदेसिए, (खै छेक्न आज सकेको) २ 
यो कस्तो कानुन हो यो कस्तो कानुन हो 
यो कस्तो सरकार हो यो कस्तो सरकार हो 
नरुनू आमा नरुनु बाबा 
 
चिचिला बाबुनानी भोकले रुँदा (झर्को नमानी सम्झाइदिनू) २
दुष्टले आई घर घेरा हाल्दा (एक थोपा आँसु नबगाइदिनू) २ 
यो दलालसत्ता हो यो दलालसत्ता हो  
यो भ्रष्ट सरकार हो यो भ्रष्ट सरकार हो  
नरुनू आमा, नरुनू बाबा २ 
लड्न जाँदैछु, म त लड्न जाँदैछु  
जित्न जाँदैछु, म त जित्न जाँदैछु 
हजार मत्ृयु जिउनुभन्दा लड्न जाँदैछु  
हजार चोट सहनुभन्दा (जित्न जाँदैछु) ४    
साउन, २०७५ 

कहाँ झुकेको छ र ? (सन्दर्भ सहिद सप्ताह)

रचना÷सङ्गीत ः चिरन पुन 
स्वर ः चिरन पुन, बबिता पाख्रीन 
एरेन्ज ः आशिष अविरल 
एल्बम ः चमचम गर्ने खुकुरी 

कहाँ झुकेको छ र 

बलिदानले भरिएको क्रान्तिको हाम्रो इतिहास 
कहाँ लुकेको छ र
सहिदको रगतले सिञ्चिएको हाम्रो इतिहास २  

कोही छुटे बाटैमा हिम्मत हारेर

कोही बिके दुश्मनको गोटी बनेर २  
कोही छौँ जनक्रान्तिको झन्डा नछाडेर 
समाजवाद ल्याइछाड्ने हिम्मत नहारेर 
कहाँ छिपेको छ र
वीरताले कुँदिएको क्रान्तिको हाम्रो इतिहास 
कहाँ हारेको छ र
गौरवताले रङ्गिएको क्रान्तिको हाम्रो इतिहास

बर्बरताको पर्खाल ढाल्न अठोट लिनेहरू
दासताको जञ्जीर तोड्ने राता मान्छेहरू २  
सगरमाथा शिखर नाघ्न उर्लिएकाहरू 
एकीकृत जनक्रान्तिमा निस्किएकाहरू २ 
कहाँ झुकेको छर 
बलिदानले भरिएको क्रान्तिको हाम्रो इतिहास
कहाँ लुकेको छ र
सहिदको रगतले सिञ्चिएको (हाम्रो इतिहास 
हाम्रो इतिहास) ४ । 
फागुन, २०७४  

हजार अप्ठ्यारा आउन सक्छन्

रचना÷सङ्गीत ः चिरन पुन 
स्वर ः बबिता पाख्रीन
एरेन्ज ः वि वि अनुरागी 
एल्बम ः चमचम गर्ने खुकुरी 

हजार अप्ठ्यारा आउन सक्छन् तिम्रो लक्ष्य र बाटोमा २  
(सुवासिलो सुगन्ध छर्न) २ 
(फल्नू फुल्नू यही माटोमा) २ 

निस्पट्ट त्यो अँध्यारो चिर्न (जून बनेर आऊ) २ 
विषालु काँडा पन्छाउँदै (फूल बनेर आऊ) २।२ 
जुन बनेर आउ फुल बनेर आउ २  
हजार अप्ठ्यारा आउन सक्छन् तिम्रो लक्ष्य र बाटोमा 

कठीन घुम्ती उमङ्गयात्रा (रोक्दै नरोकी आऊ) २ 
हजारौँ चोट सहेर पनि (मुस्कान बोकेर आऊ) २।२ 
रोक्दै नरोकी आऊ मुक्कान बोकेर आऊ २  
हजार अप्ठ्यारा आउन सक्छन् तिम्रो लक्ष्य र बाटोमा 
(सुवासिलो सुगन्ध छर्न) २ 
(फल्नू फुल्नू यही माटोमा) २ 
पुस, २०७४ 

रोल्पाको थबाङ रुकुम चुनबाङ

विदेशी गल्ली गल्लीमा

चमचम गर्ने खुकुरी