श्री प्रवन्ध निदेशक ज्यू,
नेपाल आयल निगम
केन्द्रीय कार्यालय, टेकु, काठमाण्डौ
विषय ः ध्यानाकर्षण पत्र
जनताको दैनिक जीवन निर्वाहसँग जोडिएको अर्थतन्त्रको मानक मानिने पेट्रोलियम पदार्थमा सरकारले निरन्तर मुल्यवृद्धि गर्दै आएको छ । त्यसको चौतर्फी दुस्प्रभावले जनता त्राहीमाम छन् । एक महिनाभित्रै पेट्रोलियम पदार्थमा नौ पटक र एल. पी ग्याँसमा चार पटक मुल्यवृद्धि गरेको छ । पछिल्लो पटक पेट्रोलियम पदार्थमा प्रतिलिटर तीन (३) रुपैया, (हवाई ईन्धनमा प्रतिलिटर पाँच रुपैयाँ) र खाना पकाउने ग्यासमा प्रति सिलिन्डर ७५ रुपैयाँका दरले मुल्यवृद्धि गरेको छ । यसले सम्पूर्ण क्षेत्रमा मुल्यवृद्धिलाई स्वतह ः बढाउँछ । जसले गर्दा जनताको क्रयशक्ति घट्ने र मुद्रास्फिर्ती झनै बढ्ने छ । यसरी सरकार र आयल निगमले गर्ने बेरोकतोक मुल्यवृद्धिले सम्पूर्णतहका श्रमजीवि जनताको जीवन अथाह सङ्कटतिर धकेलिएको छ । आयल निगमले मुल्यवृद्धि गर्नुपर्ने भनि सार्वजनिक गरेको दलिल पारदर्शी र तथ्यपरक छैन । यस्तो अवस्थामा एउटा जिम्मेवार, राष्ट्रप्रेमी र जनप्रेमी संगठन हुनुको नाताले हाम्रो संगठन एउटा राष्ट्र र जनताप्रति हुने जुनसुकै घातहरुलााई चुप लागेर बस्न सक्दैन र निरन्तर संघर्षमा भएको समेत स्मरण गराउन चाहन्छौ । त्यसैले यो ध्यानाकर्षण मार्फत सम्वन्धित निकायलाई तत्काल मुल्यवद्धि फिर्ता लिन जोडदार माग गर्दछ ।
ध्यानाकर्षणका बुँदाहरु ः
१. भारतीय आयल निगमले एकतर्फी मुल्य निर्धारण गर्ने गरेको ।
२. पेट्रोलियम पदार्थको कारोबारमा भारतीय एकाधिकार र नेपालको आश्रीत नीति ।
३. कच्चा तेलको आयात र प्रशोधन नेपालमा गर्नेकुरामा उपेक्षा ।
४. अन्तर्राष्टिय बजार अनुसार मुल्य समायोजन नगरिएको ।
५. भण्डारण क्षमता कमजोर हुनु ।
६. डिलरहरुलाई अनावश्यक र अपारदर्शी छुट दिनु ।
७. ठुलो मात्रामा टाईम चिटिड्ड भैरहेको ।
८. चरम भ्रष्टाचार हुने गरेको ।
९. विचौलियाहरुको चलखेलले माथिल्लो तहसम्म गिजोलेको ।
१०. कालोबजारियाहरुको विगविगी भैरहेको ।
११. कमिसन र तस्करीहरुको चलखेलले सङ्कटग्रस्त अवस्था पैदा भएको ।
१२. आयल निगमले आफुखुसी बोनस बाड्ने, सुविधा लिने र अपारदर्शीढंगले भत्ता खाने गरेको ।
१३. पेट्रोलियम पदार्थमा चर्को र अनावश्यक कर लगाइएको ।
१४. नेपालमा मागभन्दा ७० प्रतिसत बढी ल्याउने र फेरी भारतमै तस्करी गर्ने र सिमा नियमन नगरिएको ।
१५. आयल निगममा चरम अनियमितता भएको र यसमा सरकारको माथिल्लो तहसम्मको सङ्लग्नता हुने गरेको ।
अत ः तत्काल मुल्यवृद्धि फिर्ता लिन जोडदार माग गर्दछ । अन्यथा हाम्रो संगठन जुनसुकै आन्दोलनका कार्यक्रमहरु अघि बढाउन बाध्यहुने कुरा ध्यानाक्रशण गर्दछ ।
१. क. ओमप्रकाश पुन, अध्यक्ष, अखिल नेपाल भुमिहिन सुकुम्वासी संघ, केन्द्रीय समिति
२. क. माईला लामा, अध्यक्ष, अखिल नेपाल जनसाँस्कृतिक महासंघ, केन्द्रीय समिति
३. क. बन्धु चन्द, अध्यक्ष, अखिल नेपाल महिला संघ क्रान्तिकारी, केन्द्रीय समिति
४. क. खुमा सुवेदी, अध्यक्ष, जनक्रान्तिका महान् सहिद परिवार संगठन नेपाल, केन्द्रीय समिति
५. क. रामलाल विक, अध्यक्ष, श्रमीक समुदाय मोर्चा नेपाल, केन्द्रीय समिति
६. क. जयन्द्र चन्द, अध्यक्ष, नेपाल गणतान्त्रिक खेलकुद महासंघ, केन्द्रीय समिति
७. क. विनोद थापा, अध्यक्ष, अखिल नेपाल क्रान्तिकारी ट्रेड युनियन महासंघ, केन्द्रीय समिति
८. क. प्रकाश शाही, अध्यक्ष, अखिल (क्रान्तिकारी), केन्द्रीय समिति
९. क. पाटन जंगली, अध्यक्ष, युवा संगठन नेपाल, केन्द्रीय समिति
१०. क. हरी श्रेष्ठ, अध्यक्ष, अखिल नेपाल किसान महासंघ (क्रान्तिकारी), केन्द्रीय समिति
११. क. टिकाप्रसाद कणेल, अध्यक्ष, अखिल नेपाल जनस्वास्थ्यकर्मीै महासंघ, केन्द्रीय समिति
१२. क. रत्न मगर, अध्यक्ष, जनगणतान्त्रिक सम्पर्क मन्च, केन्द्रीय समिति
१३. क. श्री कृष्ण बस्नेत, अध्यक्ष, राष्ट्रिय उद्योग बाणीज्य महासंघ, केन्द्रीय समिति
१४. क. रामबहादुर थापा, अध्यक्ष, राज्यद्धारा वेपत्ता योद्धा परिवार समाज नेपाल, केन्द्रीय समिति
१५. क. शेरबहादुर विक, संयोजक, जनपत्रकार संगठन नेपाल, केन्द्रीय समिति
१६. क. ब्यापक नेपाली, संयोजक, नेपाल राष्ट्रिय वुद्धिजिवी सगठन, केन्द्रीय समिति
२०७८ मङ्सीर ३ ।
तर्फबाट
.............................
वन्धु चन्द
