रचना÷सङ्गीत ः चिरन पुन
स्वर ः बविता पाख्रीन
एरेन्ज ः आशिष अविरल
एल्बम ः लौ आयो रातो खबर
आफ्नै देश सुन्दर पार्नलाई २
हुँदैन हामीलाई विदेशीको भर
फर्कौँ है सँगी हो आफ्नै जन्म घर २
ती तिम्रा सानो भाइले पर्खेर बाटो हेर्दै छन्
ती तिम्री सानी बैनीले सम्झेर सधैँ रुँदै छिन्
यी वृद्ध आमा नि टोलाइरहेछिन्
ती तिम्री सङ्गीनी बोलाइरहेछिन् २
यो हाम्रो मातृभूमिलााई विदेशीले नङ्ग्रा गाड्दै छ
त्यो तिम्रो सानो गाउँमा फटाहाले राज गर्दै छ
गाउँ घर सबैले तिमीलाई खोज्दै छ
क्रान्तिको बाटोमा लम्क भन्दै छ २
दलालीको बादशाहलाई मिलेर सँगै फालौँला
साम्यवादको निर्माण गरी बल्ल पो थकाइ मारौँला
नेपाली जनताको यही सल्लाह छ
दुश्मनको किल्लामा खैलाबैला छ २
फर्क स्वदेश नेपाली दाजुभाइ
आफ्नै देश सुन्दर पार्नलाई २
हुँदैन हामीलाई विदेशीको भर
फर्कौँ है सँगी हो आफ्नै जन्म घर २
फर्कौँ है सँगी हो आफ्नै जन्म घर २ ।
२०५३
No comments:
Post a Comment